مسسسساالخيرر

احسني من زمااان ما خربطت عليكم (تحسوني لاقيكم اخربط والاقي ناس يردون << مخفات يعني ههه) << بينطق

لا اكذب ماعليكم من الي فوق بس اتظيرف

اخوياااي الاولييين مدري وينهم اللي حط منتدى واللي اعرس واللي مدري وش صار عليه المهم يارب يكونو كلهم طيبين  والله يحللهم ويبيحهم .

وش صار في الدنيا يا جماعه ؟ احس  الاخطااء كثيره صايره ؟!! يعني بالله تخميلو معي انو ام فيصل (بنت السديم ) يصير عندها منتدى اللهم عافنا  ولا وحاطه  فيه قسم لشعر هههههههههه ارحمينا يالشعر هههههههه  ولا حطت مكان للبسطه وكأنها  تتكبر على ماضيها وتنسى الطشت الي مليان ثلج وحاطه ببسي ومويه فيه وباسطتن في سوق الحله (خليته سوف هالحين انا) وتبيع ههههههههههههههههه اييه الله يذكر ذيك الايام بالخير بس ..

ام فيصل الله يحللك ويبيحك (تحشها هالحين وتحللها واله ياذمتك وسيعه انت )

طيب ماعلينا من هالخربطه اللي فوق , الحين السبيس  يستقصد هاللي يسويه معنا ؟!! ماعرفوا يطورونه الا بعد ماتقاعدنا(اقعد ياتقاعدنا بيتعبون بعض الناس يقولون زيي :P ) يعني استقعاد اهي ؟ وش ذنبهم الي كانو مسجلين في راسلني  وحاطين الرابط في سبيسهم ؟ كان حطيتو خدمة الرسائل  من اول ( << الحين انت يومك تتكلم في هالموضوع مسجل في راسلني ؟ ريحنا بس واهجد ولا تلقف) .

·         بحكم انو للحين عايشين على هالكره الارضيه  فأكييد  بيكون فيه ناس متخلفه  وانا واحد منهم  اجل في احد عاقل للحين يسمع الاف ام   طبعا لا  بس انا لا زلت اسمعها للأسف قاصرتن فلووسه ولد البراهيم يومه يحط مذيعه اسمها خديجه الوعل ولا الثاني رنا القاسم ؟ اذا قاصرته عادي يقول  افتح تبرع في السبيس ونقط له راتب واحدتن عليها الكلام  اللبنانيات وهم اللبنانيات ماتميلحن كثر تميلح هالثنتين ؟ اذاعه  تدحدر بعونف قسم بالله كلها على بعضها تجيب المغص مافيها اي شي مفيد ابدن  اجل في احد عاقل يحط موضوع " من اكثر خيانه الرجل ام المرأه " ولا "  من اكثر عاطفه الرجل ولا المرأه" ناهييك عن خديجه اللي كل همها  في مواضيعها انوتوصل لناس معلومه انو لازم يصير حب بين الجنسين ولا زم يصير فيه علاقه  قل مايتزوجون ولازم البنت تصاحب اجل كل شي عندها الحب وتستانس لا دقت بنت وقالت اهدي الاغنيه الجايه لحبيبي ؟ عاد قلت حيا عيني عينك ماعليش في ناس تصدق .. ولا من مواضيع القمر خديجه (يسمونها قمر  بديت احس ان القمر مسبه من كثر ما يقولونه لها) اجل حاطه في برنامجها شي اسمه نجم المستمعين ويالله يالدلوخ ارسلو ورشحو انفسكم واللي مايبي يرشح نفسه يرشح زملائه اللي مرشحين انفسهم وخذ يامسجات والله احس انهم يلعبون علينا لهدرجه الناس فاضيه وفلوسهم واجده يومهم مالقوا اي شغل الا انهم يرشحون  ويتصلون يهدون اغاني ؟  يعني اكثر من كذا استنزاف للجيب مافيه سرق عيني عينك والناس تضحك .

والثانيه رنا في برنامجها التوب تين  تحسينها شريطيه عطيتيها موترك وقلتي لها بع ولك نسبه اجل تحرج على الاغاني " خالد عبدالرحمن في المقدمه بميتين صووت واقرب واحد لوو  محمد عبدو وينكم ياجمهوور محمد معقوله مافي احد يدعمه يلا ما في فرق كثير صووتو"  مادريت الا شوي تقول" آآآه هذا جمهور  راشد يدعمون فنانهم ووصلوه الاول تعدى الاثنين خالد ومحمد "  خيرررررررر !! ذي مذيعه ولا  تبيع خضره عند مسجد الجمعه ؟؟؟؟

الزبده اذاعه تجيب شعبولا يغني  وتذيع اغاني عبدالله بالخير  ووو اغنية التكسي ما تسمى اذاعه  المفروض يسمونها كبااااريه    : )

طولنا عليكم  كتبته وانا اركض ( ماودك تغير هالتصريفه)   اتمنى اشوف الشله الطيبه اللي كانت هينا ..

ســـلام

منقول

http://m5rbha911.spaces.live.com/blog/cns!BC5313B372B15C95!1236.trak